Reportaxes / 22.Out.2020
Unha reportaxe con Susana Álvarez e Paco Novo, olivicultores galegos.

Que ninguén viva nun lugar non significa que sexa un territorio baleiro. Ser agricultor non implica vivir pegado á terra. Residir na cidade non impide ser un profesional do campo. E un emprego urbano a tempo completo nunha empresa de servizos non é incompatible con xestionar unha explotación agrícola. Estas afirmacións poden soar arriscadas, pero o matrimonio composto por Paco e Susana verifícaas unha a unha. Estas e algunha máis inverosímil.

Reportaxes / 11.Feb.2020
Unha reportaxe con Alberto e Rubén Hermida, de Gandería Laura Taboada, S.C. (Pontevedra).

Entre a Serra do Faro e a vila de Rodeiro atópase o Val de Camba, unha zona de moita produción agrogandeira que en tempos foi lugar de pazos e casas grandes e que, por algunha razón que ignoramos, pasa desapercibida malia a súa extensión. Aquí nunca sucede nada e, aínda que paso obrigado para conectar boa parte do sur de Galiza coa capital, nin sequera van turistas. Talvez a serra a fai invisible ou talvez o traballo o absorbe todo. Sexa como for, Alberto e Rubén Hermida Taboada colocaron a zona no mapa da loita contra o baleirado rural poñendo en marcha algo moi distinto do que se viña facendo, alí e en calquera parte: a produción de ovos ecolóxicos cun sistema inédito.

Reportaxes / 14.Xan.2020
Unha reportaxe con Xosé García Freire, da gandaría Casa da Fonte (Lugo).

O futuro das explotacións está no pasado? É unha pregunta que se deberon facer en Casa da Fonte —Mañente, Pantón, Lugo— cando decidiron diversificar a produción e comercializar directamente os seus produtos. O que sempre se fixo nas granxas familiares, pero a maior escala, cun alto nivel de profesionalización e convertendo en innovación o que fora tradicional.

Reportaxes / 09.Dec.2019
Unha reportaxe realizada coa colaboración e aportacións de Xosé Constenla Vega (Doutor en Xeografía).

O territorio cambiou profundamente nos últimos anos. A realidade reflicte que o cesamento da actividade rural trouxo como consecuencia o abandono en sentido amplo da supervivencia das persoas, dos medios de vida, do territorio e, en suma, dun sistema social e ambiental que definitivamente cambiou e non ten volta atrás. En Omnivoraz recollemos, en senllas reportaxes, a voz de Xosé Constenla e Edelmiro López Iglesias, dous especialistas na materia que nos falan do territorio, das súas experiencias e de posibles alternativas.

Reportaxes / 09.Dec.2019
Unha reportaxe realizada coa colaboración e aportacións de Edelmiro López Iglesias (Profesor de Economía) e Eduardo Corbelle (Laboratorio do Territorio da Escola Politécnica Superior de Enxeñaría de Lugo).

O territorio cambiou profundamente nos últimos anos. A realidade reflicte que o cesamento da actividade rural trouxo como consecuencia o abandono en sentido amplo da supervivencia das persoas, dos medios de vida, do territorio e, en suma, dun sistema social e ambiental que definitivamente cambiou e non ten volta atrás. En Omnivoraz recollemos, en senllas reportaxes, a voz de Xosé Constenla e Edelmiro López Iglesias, dous especialistas na materia que nos falan do territorio, das súas experiencias e de posibles alternativas.

Reportaxes / 02.Dec.2019
Unha reportaxe con Carlos García García, da sociedade cooperativa Chaca Otur (Asturias).

En 2002, catro gandeiros do occidente asturiano uníronse para constituíren a Sociedade Cooperativa Chaca Otur — Otur, Valdés, Asturias—. O proxecto nacía da necesidade de dar continuidade á súa profesión e, sobre todo, de exercela cun nivel digno de calidade de vida. Desde entón, aínda que un deles optou por tomar o seu propio camiño, souberon xestionar os seus recursos —chegando a duplicar o número de vacas—, e alcanzaron os seus obxectivos iniciais, o que os converteu nun referente da produción láctea en Asturias, unha posición que non afecta á humildade coa que Carlos García —socio fundador— nos recibe na súa granxa, pero permite comprender a claridade meridiana coa que expón a súa opinión sobre os retos aos que se enfronta o sector.

Reportaxes / 14.Nov.2019
Unha reportaxe con Humberto Loureiro Argullós, sumiller e asesor na Ribeira Sacra

O sector do viño é un dos poucos que resultan rendibles na agricultura. De feito, en moitas zonas de España é posible vivir da produción de uva sen necesidade de elaborar viños, e cunha marxe de beneficio suficientemente alta tanto para o colleiteiro como para o adegueiro que vende as botellas. En Galiza, a Ribeira Sacra fíxose famosa nos últimos tempos. Numerosos turistas son atraídos polas súas paisaxes, potenciadas pola presenza dos viñedos en bancal. A diferenza da maioría de Denominacións de Orixe, aquí non hai grandes adegas nin plantacións. Todo está moi atomizado, e prodúcese máis para autoconsumo e venda a granel que para viños embotellados e etiquetados. Pero as cepas seguen dando froito e o pequeno agricultor sobrevive. É un modelo tan único e diferente como o viño que produce. Nesta reportaxe centrámonos no viño tinto elaborado principalmente con uva da variedade mencía, mesturada con outras en menor cantidade. Queremos saber por que é diferente, como debemos bebelo e cales son as súas vantaxes e inconvenientes.

Reportaxes / 25.Out.2019
Unha reportaxe con Amador Arias, protagonista da película O que arde.

Con ocasión da preestrea de O que arde en Navia de Suarna —Lugo—, tivemos a oportunidade de coñecer un pouco máis o seu protagonista masculino, Amador Arias, e a súa experiencia cinematográfica da man de Oliver Laxe. Se cres na casualidade, poderás pensar que esta é a palabra que define o noso encontro co actor no que, mentres colle un cigarro, comparte con nós a anécdota de como o seu chisqueiro «de gasofa da de agora» se acendeu só ao caer de pé no chan cando o sacou do peto. Pero en Omnivoraz non cremos na casualidade, e comprendemos que todo comezou como debía ser: con lume. Sentados nunhas escaleiras a carón da praza da vila, na que xa se arremuiñaban o público e a prensa asistente ao evento, mantivemos con el unha distendida conversa que resultou ser todo un making of do filme.

Reportaxes / 25.Out.2019
Unha reportaxe con Benedicta Sánchez, protagonista da película O que arde.

Benedicta Sánchez, a actriz protagonista de O que ardeOliver Laxe, 2019—, causou sensación á súa chegada a Navia de Suarna —Lugo— para a preestrea do filme. Esta muller de oitenta e cinco anos, que non tivo reparo en bailar unha muiñeira no Festival Internacional de Cinema de Cannes, non necesitou máis que pisar a praza da vila lucense para verse rodeada de xente ansiosa por coñecela e, por suposto, por capturar ese momento en fotografías que xa quedarán para o recordo dunha xornada moi especial para a comarca dos Ancares. Voluntariosa e afable, falou con Omnivoraz da súa vida, os seus principios e a súa paixón pola natureza, un perfil que agora compartimos con vós agardando que o desfrutedes.

Reportaxes / 01.Out.2019
Unha reportaxe con Nuria Sánchez Vázquez, de Turismo de Galicia.

É frecuente que algunhas explotacións busquen complementar os ingresos que perciben pola venda do leite con outras actividades económicas. Un exemplo é a venda dos animais machos que nacen nas granxas, aínda que nese caso é máis a necesidade de desfacerse deles que a busca de beneficio económico. Outra opción é o cebado de porcos, ovellas ou xatos de razas cárnicas, para a súa venda a veciños da zona ou a carnizarías. Tamén é habitual que algún membro da familia compaxine o seu traballo na granxa cun posto noutra empresa ou como traballador autónomo esporádico. Pódese vender parte da colleita cando temos excedentes —algo pouco habitual— ou arrendar parcelas que non utilizamos. A venda directa de leite cru é unha opción que se recuperou, logo de pasar décadas desaparecida. Mesmo as hortas que temos ao lado de casas e cortes poden ser unha fonte de ingresos, aínda que a pequena escala e de xeito eventual.