Paté de xoubas en conserva

Unha receita do chef Alberto Lareo Peiteado.

Tempo de preparación: 1 hora
Dificultade: baixa

Ingredientes:

Para o paté:

• 250 g de xoubas en conserva
• 250 g de queixo crema
• 1 cullerada de mostaza de Dijon
• Pementa negra
• Sal fino

Para o acompañamento —cantidades ao gusto—:

• Cogombriño en vinagre
• Ovo cocido
• Perexil fresco
• Pan torrado

Preparación:

Botar nun bol as xoubas, o queixo crema, a mostaza, a pementa negra e o sal fino. Mesturar co batedor ata obter unha pasta homoxénea.

Dispoñer a pasta resultante en pequenos tarros de cristal. Deixar repousar e arrefriar na neveira.

Para o acompañamento, preparar unha picada con cogombriño en vinagre, ovo cocido e perexil fresco —ao gusto—. Recoméndase a súa preparación xusto antes de servir o paté.

Presentación:

Acompañar cada tarro de paté con parte da picada elaborada previamente e as torradas de pan.

Bo proveito!