• Español

Artigos / 23.Dec.2019
Un artigo sobre a maxia do solsticio de inverno.

A nosa cultura celebra o Nadal a medio camiño entre o cristián, o pagán, o familiar e o consumismo típico destas festas. Todo iso xirando arredor do 25 de decembro, data do nacemento de Xesús de Nazaret que damos como válida, aínda sabendo que non o é. En calquera caso, é unha época do ano en que a felicidade nos embriaga e a maxia nos sostén. Ese encanto que nos fai flotar é o mesmo que durante milenios uniu todas as culturas do hemisferio norte na celebración do solsticio de inverno ou, o que é o mesmo, da noite máis longa do ano.

Artigos / 20.Dec.2019
Unha breve historia dunha das sobremesas máis características do Nadal.

Igual que outras festas, o Nadal trae ás nosas mesas alimentos típicos da época do ano en que se celebra. Neste artigo contámosvos a breve historia dunha das sobremesas por excelencia destas datas: o turrón.

Reportaxes / 09.Dec.2019
Unha reportaxe realizada coa colaboración e aportacións de Xosé Constenla Vega (Doutor en Xeografía).

O territorio cambiou profundamente nos últimos anos. A realidade reflicte que o cesamento da actividade rural trouxo como consecuencia o abandono en sentido amplo da supervivencia das persoas, dos medios de vida, do territorio e, en suma, dun sistema social e ambiental que definitivamente cambiou e non ten volta atrás. En Omnivoraz recollemos, en senllas reportaxes, a voz de Xosé Constenla e Edelmiro López Iglesias, dous especialistas na materia que nos falan do territorio, das súas experiencias e de posibles alternativas.

Reportaxes / 09.Dec.2019
Unha reportaxe realizada coa colaboración e aportacións de Edelmiro López Iglesias (Profesor de Economía) e Eduardo Corbelle (Laboratorio do Territorio da Escola Politécnica Superior de Enxeñaría de Lugo).

O territorio cambiou profundamente nos últimos anos. A realidade reflicte que o cesamento da actividade rural trouxo como consecuencia o abandono en sentido amplo da supervivencia das persoas, dos medios de vida, do territorio e, en suma, dun sistema social e ambiental que definitivamente cambiou e non ten volta atrás. En Omnivoraz recollemos, en senllas reportaxes, a voz de Xosé Constenla e Edelmiro López Iglesias, dous especialistas na materia que nos falan do territorio, das súas experiencias e de posibles alternativas.

Artigos / 04.Dec.2019
Unha crónica veterinaria de Eneko Jetxanoff.

Procedente da costa, cargada de salitre e iodo, ascendía a brisa polo val bañado pola primeira luz do día. Os raios de sol facían que o orballo, adormentado aínda nas follas dos verdes prados, se evaporase e abrazase o vento costeiro, asolagándoo todo cunha sublime fragrancia estival.

Reportaxes / 02.Dec.2019
Unha reportaxe con Carlos García García, da sociedade cooperativa Chaca Otur (Asturias).

En 2002, catro gandeiros do occidente asturiano uníronse para constituíren a Sociedade Cooperativa Chaca Otur — Otur, Valdés, Asturias—. O proxecto nacía da necesidade de dar continuidade á súa profesión e, sobre todo, de exercela cun nivel digno de calidade de vida. Desde entón, aínda que un deles optou por tomar o seu propio camiño, souberon xestionar os seus recursos —chegando a duplicar o número de vacas—, e alcanzaron os seus obxectivos iniciais, o que os converteu nun referente da produción láctea en Asturias, unha posición que non afecta á humildade coa que Carlos García —socio fundador— nos recibe na súa granxa, pero permite comprender a claridade meridiana coa que expón a súa opinión sobre os retos aos que se enfronta o sector.

Poesía / 25.Nov.2019
Tres poemas para conmemorar o «Día Internacional da Eliminación da Violencia contra a Muller».

En xullo de 1981, máis de duascentas mulleres feministas de América Latina reuníronse en Bogotá —Colombia— para celebrar o que sería o primeiro «Encuentro Feminista de Latinoamérica y el Caribe». O seu obxectivo era intercambiar opinións e experiencias, identificar problemáticas, avaliar as prácticas desenvolvidas e planificar proxectos de futuro. Abordaron a discriminación por razón de xénero desde múltiples perspectivas, denunciaron a violencia, violación e abuso sufridos polas mulleres en distintos ámbitos —doméstico, laboral, educativo, sanitario, social e político— e reclamaron políticas a nivel mundial para a súa erradicación.