A herdanza

Un conto sufí.

Un pai ancián, vendo como se aproximaban os seus últimos días, propúxose transmitir a súa herdanza. Para iso chamou os seus tres fillos e faloulles así:

«Queridos fillos, a herdanza que vos deixo é demasiado pequena para dividila en tres partes, polo que llela entregarei toda a aquel de vós que demostre máis habilidade para coidala. Déixovos sobre a mesa unha moeda para cada un; con ela debedes mercar algo que encha a casa, e o que traia aquilo que máis encha o noso fogar será o meu herdeiro».

Cada fillo colleu a súa moeda e puxéronse en marcha. O primeiro mercou toda a palla que puido e espallouna pola casa, enchendo pouco máis que o chan. O segundo mercou todas as plumas que puido e espallounas sobre a palla, cubrindo ata os xeonllos. O terceiro mercou só unha candea, agardou a que se fixera de noite para entrar na casa e prendeuna sobre a mesa na que o seu pai lles deixara as moedas, enchendo de luz todo o fogar.

Sempre que falamos do que queremos deixar aos nosos descendentes, da nosa herdanza, esperamos que esta sexa tamén un mundo mellor. En Omnivoraz queremos contribuír a ese desexo con feitos, achegando a luz da información veraz e voraz para iluminar onde só hai escuridade. Le, cuestiona, participa e constrúe a túa propia opinión.